Sarandë: Automjeti përplaset me disa mjete të tjera dhe përmbyset në rrugë
Një aksident rrugor është regjistruar pasditen e sotme në lagjen nr. 4 të qytetit të Sarandës, pranë stadiumit. Sipas raportimeve paraprake, një automjet ka goditur disa mjete të tjera të parkuara dhe në lëvizje dhe më pas është përmbysur në rrugë.
Fatmirësisht, nga ngjarja nuk raportohet për persona të lënduar, ndërsa dëmet materiale janë të konsiderueshme.
Menjëherë pas aksidentit, në vendngjarje kanë mbërritur forcat e Policisë, të cilat kanë bërë këqyrjen e vendit dhe po punojnë për të zbardhur rrethanat e aksidentit dhe shkaqet që çuan në humbjen e kontrollit nga drejtuesi i mjetit.
Ngjarja ka shkaktuar shqetësim tek banorët e zonës, ndërsa qarkullimi në segmentin përreth është bllokuar.
Website Saranda Web
Facebook Saranda Web
Instagram saranda.web
Youtube sarandaweb
Tiktok saranda.web
Pinterest sarandaweb
in sarandaweb
