AKEP gjatë paradites së sotme, pas një kërcënimi nga kryeministri Edi Rama, mes 44 portaleve që duhet të regjistroheshin në QKB ka publikuar edhe portalin SarandaWeb. Pavarësisht habisë për numrin e vogël të portaleve të përmendura, listimi i SarandaWeb ishte një ndjenjë përgjegjësie për ndjekësit tanë për vetë vëmendjen që i ka kushtuar personalisht kryeministri.
Por kjo kërkesë është e papranueshme për Saranda Web për disa arsye:
-Saranda Web nuk është e regjistruar në Shqipëri, por jashtë saj dhe nuk ka domain .al
-Saranda Web nuk ka zyra apo aktivitet ekonomik.
-Saranda Web funksionon si blog promovues për qytetin dhe zonën e Sarandës në mënyrë vullnetare dhe si i tillë nuk është një biznes fitimprurës.
-Lajmet dhe kronikat në Saranda Web janë rezultat i punës personale të gazetarit, i cili punon për një media kombëtare.
Në këto kushte ky ultimatum është i papranueshëm për Saranda Web dhe refuzojmë t`i bindemi.
