I riu nga Saranda bie pre e mashtrimit me motorat e ujit

I riu nga Saranda bie pre e mashtrimit me motorat e ujit.
Një i ri nga Saranda ka rënë pre e një mashtrimi gjatë blerjes së 2 motorave të ujit.
Ai ka porositur në një kompani në Shkodër 2 motora uji të rinj, por i janë dorëzuar 2 motora uji të përdorur.
I riu pasi ka konstatuar se motorat e blerë kanë qenë të përdorur, ka bërë denoncim në Seksionin kundër krimit ekonomik e financiar.
Pas verifikimeve të bëra, u referuan materialet në Prokurorinë e Rrethit Gjyqësor Shkodër, për shtetasin F.D, vjeç 38, banues në Tiranë, përfaqësues i kompanisë ku ishin blerë motorat e ujit.