Reklamë I Love Orange

Prindërit reagojnë për zhvendosjen e nxënësve të shkollës “9 Tetori”: Vendimi u mor pa konsultim dhe pa transparencë

Prindërit reagojnë për zhvendosjen e nxënësve të shkollës “9 Tetori”: Vendimi u mor pa konsultim dhe pa transparencë

 

Reagimet e qytetarëve dhe prindërve kanë qenë të forta pas publikimit nga Saranda Web të lajmit për zhvendosjen e nxënësve të shkollës 9-vjeçare “9 Tetori” në Sarandë, për shkak të rikonstruksionit të godinës shkollore, një proces i nisur në mes të vitit shkollor.

 

Prindërit reagojnë për zhvendosjen e nxënësve të shkollës “9 Tetori

 

 

Një prind i dy fëmijëve që ndjekin këtë shkollë, në një reagim publik, shprehet se ndjen detyrimin qytetar dhe prindëror të ngrejë shqetësimin për mënyrën se si është marrë dhe komunikuar ky vendim, duke theksuar se prindërit nuk janë kundër rikonstruksionit, përkundrazi e konsiderojnë atë të domosdoshëm dhe në interes të drejtpërdrejtë të fëmijëve.

 

Sipas prindërve, problematika qëndron te mungesa e konsultimit dhe komunikimit, si dhe te fakti që një vendim kaq i rëndësishëm është komunikuar në mënyrë të menjëhershme, pa asnjë sqarim të plotë dhe pa përfshirjen e familjeve.

 

“Bëhet fjalë për fëmijë të vegjël, për stabilitetin e tyre emocional, për përqendrimin dhe cilësinë e procesit mësimor. Ndryshimi i mjedisit shkollor në mes të vitit nuk është një çështje administrative e thjeshtë, por një ndërhyrje e drejtpërdrejtë në jetën e përditshme të fëmijëve dhe familjeve tona,” – thuhet në reagim.

 

Prindërit theksojnë se deri më tani nuk janë informuar qartë mbi disa elementë thelbësorë, si:

 

 

  • ku konkretisht do të zhvillohet mësimi,
  • në çfarë kushtesh infrastrukturore,
  • si do të garantohet siguria dhe mirëqenia e fëmijëve,
  • si do të organizohen oraret, distancat dhe transporti,
  • dhe nëse ambientet pritëse janë të përshtatshme për moshat e vogla.

 

Në reagimet e tyre, prindërit kërkojnë transparencë, komunikim të hapur dhe përfshirje në vendimmarrje, duke theksuar se minimumi i domosdoshëm do të ishte një takim informues i menjëhershëm, ku institucionet përgjegjëse të japin shpjegime të plota dhe të diskutojnë alternativa të mundshme.

 

“Arsimi nuk është thjesht ndërtesë. Arsimi janë fëmijët tanë. Dhe çdo vendim që i prek ata duhet të merret me përgjegjësi, ndjeshmëri dhe respekt ndaj familjeve,” – theksojnë prindërit, duke shpresuar që shqetësimi i tyre të merret seriozisht dhe të gjendet një zgjidhje e arsyeshme në interesin më të mirë të nxënësve.

 

Deri në këto momente, Bashkia Sarandë nuk ka dhënë një reagim zyrtar apo sqarim publik lidhur me këto shqetësime.

 

Saranda Web do të vijojë të ndjekë këtë çështje dhe të informojë qytetarët, duke kërkuar transparencë dhe përgjegjësi për një vendim që prek drejtpërdrejt arsimin dhe fëmijët e qytetit.

 

Bashkia Sarandë alarmon qytetarët: “Do të fryjë erë 30 metër/sekondë”

 

Website Saranda Web

Facebook Saranda Web

Instagram saranda.web

Youtube sarandaweb

Tiktok saranda.web

Pinterest sarandaweb

in sarandaweb

Reklamë për udhëtimet me autobus Sarandë–Tiranë

NDAJE ME MIQTË

NA NDIQNI

Qëndroni të lidhur me Saranda Web në rrjetet tona sociale.

POSTIMET E FUNDIT

Butrinti rikthehet te fitoret, triumfon bindshëm 3-0 ndaj Tomorit – VIDEO

Butrinti rikthehet te fitoret, triumfon bindshëm 3-0 ndaj Tomorit – VIDEO

22 Nëntor 2026 15:44
Kushte të reja për subvencionet në bujqësi, çfarë rrezikojnë fermerët

Kushte të reja për subvencionet në bujqësi, çfarë rrezikojnë fermerët

21 Nëntor 2026 19:45
I dënuar me 9 vjet burg për marrëdhënie seksuale me të mitur, ndalohet 41-vjeçari nga Delvina

I dënuar me 9 vjet burg për marrëdhënie seksuale me të mitur, ndalohet 41-vjeçari nga Delvina

21 Nëntor 2026 10:46
Butrinti pret Tomorin, Delvina përballet me Luftëtarin. Dy sfida të rëndësishme për ekipet e jugut

Butrinti pret Tomorin, Delvina përballet me Luftëtarin. Dy sfida të rëndësishme për ekipet e jugut

21 Nëntor 2026 10:15
Banorët e Ksamilit denoncojnë: “Ujësjellësi na thotë gjeni privatin që çau tubin”

Banorët e Ksamilit denoncojnë: “Ujësjellësi na thotë gjeni privatin që çau tubin”

20 Nëntor 2026 14:48
Natasha fiton betejën me OSHEE, Gjykata vendos rikthimin e energjisë elektrike – VIDEO

Natasha fiton betejën me OSHEE, Gjykata vendos rikthimin e energjisë elektrike – VIDEO

20 Nëntor 2026 13:47