Ka qenë një postbllok i policisë greke në afërsi të Igumenicës që ka bërë të mundur kapjen e një sasie prej 37 kg hashash.
Lënda narkotike, që sipas të gjitha mundësive ishte futur nga Shqipëria nëpërmjet kufirit, ishte fshehur në portbagazhin e automjetit.
Trafikanti i drogës braktisi automjetin dhe u fsheh në një zonë të pyllëzuar.
Policia greke vazhdon operacionin për kapjen e tij me ndihmën edhe të një qeni të specializuar.
Ende nuk bëhet e ditur nëse trafikanti i lëndës narkotike ishte shtetas grek apo shqiptar.
