Policia: Arrestuam 4 zyrtarë të Hipotekës Sarandë, 1 e kemi shpallur në kërkim

24/03/2215:54

Shperndaje:

Finalizohet me sukses operacioni policor i koduar “HESHTJA 2”.

Ekzekutohen masat e sigurisë “Arrest në burg” ndaj 4 shtetasve. Shpallet në kërkim bashkëpunëtorja e tyre.

Shërbimet e Komisariatit të Policisë Sarandë, në bashkëpunim me Drejtorinë Vendore të Policisë Vlorë, nën drejtimin e Prokurorisë pranë Gjykatës së Shkallës së Parë Sarandë, pas një pune hetimore të mirorganizuar, kanë finalizuar me sukses operacionin policor të koduar “HESHTJA 2”. Si rezultat i këtij operacioni, është bërë i mundur dokumentimi i plotë ligjor i aktivitetit të kundërligjshëm në fushën e ndërtimeve pa leje, në Sarandë dhe Ksamil, si dhe janë ekzekutuar masat e sigurisë për veprën penale “Shpërdorimi i detyrës”, ndaj 4 shtetasve:

Andri Dhima 34 vjeç, banues në Sarandë, me detyrë ish-drejtor i ASHK Sarandë;

Vasil Lango 37 vjeç, banues në Sarandë, me detyrë përgjegjës i Sektorit të Hartografisë, pranë ASHK Sarandë;

Sajmir Braho 32 vjeç, banues në Sarandë, me detyrë hartograf pranë ASHK Sarandë;

Erliton Ymeri 37 vjeç, banues në Sarandë, me detyrë hartograf pranë ASHK Sarandë.

Gjithashtu u shpall në kërkim shtetasja Kozeta Statha 34 vjeçe, lindur në Sarandë dhe banuese në Bolonja, Itali, me detyrë ish-drejtoreshë e ASHK Sarandë.

Këta shtetas, në bashkëpunim me njëri-tjetrin, kanë shpërdoruar detyrën duke pajisur në mënyrë të kundërligjshme, me certifikata pronësie, disa shtetas, për pasuri, tokë dhe prona, në zonat bregdetare të qytetit të Saradës dhe të Ksamilit.

Materialet janë referuar në Prokurorinë pranë Gjykatës së Shkallës së Parë Sarandë, për veprime të mëtejshme.


Ndajeni me miqte:

Postimet e fundit

Akt i rëndë vandalizmi – Dhunohet varri (FOTO)
Restorant Dervishaj kërkon Ndihmës Kuzhinier/e. Ofrohet akomodim
U fut në parakalim të gabuar dhe shkaktoi aksident, arrestohet 20-vjeçari
Dogjën barishtet te toka e tyre, por zjarri rrezikoi fshatin, arrestohen 2 persona
U denoncua i zhdukur, çobani nga Delvina gjendet në një stan tjetër
Tanush Çaushi: Nënstacioni Xarë jo transparent: “Energji për TË GJITHË, apo për disa!”

Saranda Web Apartments and Hotels

©SARANDAWEB - 2024 • Ndalohet riprodhimi i paautorizuar i përmbajtjes së kësaj faqeje.