Megjithëse punimet për ujësjellësin e Markatit kanë përfunduar, banorët ankohen se shumica e tyre nuk kanë ujë në shtëpitë e tyre. Kjo për faktin se firma zbatuese e projektit ka realizuar punën e saj deri në ndërtimin e pusetave shpërndarëse. Ndërsa pjesa tjetër e linjës së tubacioneve të ujësjellsit duhet të kryhet nga vetë banorët me shpenzimet e veta.Nisur nga kjo situatë, ne i jemi drejtuar me kërkesë Bashkisë Konispol për të na sqaruar me këto shqetësime të banorëve të Markatit. Në përgjigjen e Bashkisë Konispol thuhet se në kontratën e lidhur mes firmës dhe ish komunës Markat është përcaktuar se firma zbatuese e projektit punimet do t`i kryente deri në pusetat shpërndarëse. Pra, që do të thotë se shumë nga banorët e Markatit nuk do ta shikojnë ujin në shtëpitë e tyre, pasi nuk i kanë mundësitë financiare të blejnë tubat e ujit.
Ujësjellësi i Markatit ishte një investim prej më shumë se 50.000 euro dhe kishte filluar punimet në fund të vitit 2014
