Pas apelit të djeshëm nëpërmjet Saranda Web për kushtet e rënda në të cilat kalojnë këto ditë banorët e kampit të romëve në Vrion, Bashkia Finiq, ditën e sotme ka ardhur reagimi i parë.
Ka qenë Pastori i Kishës Ungjillore të Sarandës, Pastor Sotiri, i cili ka vizituar kampin dhe u ka ofruar disa ndihma ushqimore familjeve në vështirësi më të mëdha.
Por pavarësisht këtyre ndihmave të ofruara ditën e sotme, nevojat e këtyre familjeve mbeten akoma të mëdha.
Kushtet në të cilat jetojnë rreth 30 banorë të këtij kampi bëjnë që nevojat më imediate të mbeten për ngrohje, pasi banorët nuk kanë asnjë mundësi për ngrohje, përveç djegies së gomave të makinave.
