Kur kanë mbetur ende pak muaj nga fillimi i sezonit të ri turistik, përfundimi i punimeve në Rikonstruksionin e Bulevardit të Sarandës janë vënë seriozisht në pykëpyetje.
Prej më shumë se 45 ditësh në kantierin e punimeve të ngritur në Bulevard nga kompania FUSHA shpk nuk shikohet “këmbë njeriu”.
Pavarësisht se kryetari i Bashkisë Sarandë Adrian Gurma përgjatë një takimi me gazetarët u shpreh se punimet janë pezulluar për shkak të angazhimit të mjeteve të kësaj kompanie në emergjencën e krijuar nga tërmeti, kjo tashmë duket pak e besueshme, pasi emergjenca ka kaluar.
