Ministrja e Kulturës Mirela Kumbaro ka patur pasditen e djeshme një takim me operatorët turistikë të Sarandës, takim i organizuar nga deputeti Alket Hyseni.
Gjatë takimit minitrja Kumbaro prezantoi përpara operatorëve planet dhe masat e qeverisë për sezonin turistik 2018.
Operatorët turistikë kanë kërkuar nga Kumbaro që më parë se të fliste se cfarë do të bëjnë, të bëhet një analizë e asaj se cfarë ishte bërë në 2017, duke përmendur problematikat e sezonit të kaluar, probleme këto të ardhura nga keqmenaxhimi dhe neglizhenca e strukturave lokale dhe qëndrore, duke përmendur problemet me ujrat e zeza në Ksamil dhe Sarandë.
Gjithashtu ata kanë përmendur edhe ndërtimin me lejen e ministrisë të një lokali brenda qytetit antik të Butrintit.
Një problem tjetër i ngritur nga operatorët turistikë ishte edhe rritja e biletës së hyrjes për në Butrint, rritje e cila pritet të ndikojë në uljen e interesit për të vizituar Butrintin.
