Marramendëse abuzimet në rrugën Dërmish-Dhivër-Cerkovicë

14/11/1817:59

Shperndaje:


 

Kontrolli i Lartë i Shtetit gjatë auditimit në Bashkinë Finiq ka konstatuar abuzime marramendëse në tenderin e rrugës Dërmish – Dhivër – Cerkovicë.
Pavarësisht se kjo rrugë, sic mban edhe emrin, ishte parashikuar të ndërtohej në 12 km, me fondin e saj u bë vetëm 2.6 km rrugë dhe ajo që bën më shumë përshtypje është se megjithëse rruga është me 2 korsi, gjerësia e saj mjafton për parakalimin e vetëm 2 bicikletave ose në rastim më të mirë të 2 gomerëve.
KLSH gjatë auditimit ka konstatuar se “Në tenderin me objekt “Rehabilitimi i rrugës Dermish-Dhiver-Cerkovice” e hapur, me fond limit 82,916,667 lekë” zhvilluar në vitin 2016, u konstatua se:
Njësia e Prokurimit, nuk ka dokumentacion për përllogaritjen e fondit limit nenin pikat 1 dhe 2 të VKM 914.

Gjithashtu ka vepruar në kundërshtim me nenin 46, pika 1 dhe 3, të LPP dhe me VKM 914, Neni 61 pika 2 paragrafi 2, pasi kriteret e përdorura nuk janë të lidhura ngushtë me objektin e kontratës, pasi janë kërkuar kategoritë e licencës nuk kanë lidhje me objektin e kontratës objekt prokurimi pasi në preventivin e miratuar nuk ka asnjë zë apo volum pune ku të përfshijë punime që parashikojnë këto kategori punimesh në kundërshtim me VKM nr.42, datë 16.01.2008,është kërkuar numri i fuqisë punëtore mesatarisht 140 punonjës, është kërkuar në mënyrë të pargumentuar një numër i madh makinerish dhe inxhinierësh, ku ndër të tjera edhe mjeku i shoqërisë si staf drejtues teknik, në kundërshti me nenin 1 dhe 2 të LPP.
KVO: u konstatua se tenderi duhej të ishte anuluar dhe të ishte zhvilluar procedurë e re pasi asnjë nga OE ekonomik nuk ka plotësuar kriteret e kualifikimit, çka nuk ka ndodhur, për arsye se ka kualifikuar dhe shpallur padrejtësisht fitues OE “A…” shpk, në kundërshtim me kërkesat e nenin 46 dhe 53 pika 3, të LPP, duke shkaktuar mos përdorim me efektivitet, efiçencë dhe efikasitet në vlerën 10,390,044 lekë të reja ose afërsisht 80.000 euro.
Pra Komisioni i Vlerësimit të Ofertave në Bashkinë Finiq ka përdorur kritere ekstraligjore për të eleminuar nga gara operatorët konkurues dhe favorizuar firmën fituese, e cila kishte ofertë afërsisht 99% të vlerës së fondit limit.

 


Ndajeni me miqte:

Postimet e fundit

Letra e babait që humbi dy vajzat në aksidentin tragjik: Luftuan të shpëtojnë vëllanë e sëmurë
KT-GREEKALBTASTE sh.p.k. kërkon të punësojë Agjent Shitjesh dhe Ekonomist
Intex Courier kërkon të punësojë punonjës për shërbimin e klientit
Progonati shpk kërkon të punësojë Agjent Shitjesh dhe Menaxher Shitjesh
Lavazho në Qafë Gjashtë kërkon punonjës
Jetonte në Britani me identitet tjetër dhe erdhi për pushime në Sarandë, arrestohet

Saranda Web Apartments and Hotels

©SARANDAWEB - 2024 • Ndalohet riprodhimi i paautorizuar i përmbajtjes së kësaj faqeje.