Që lopët në Sarandë kullosin në plehrat e kazanëve dhe vendeve të tjera ku mund të gjejnë plehra, kjo nuk është diçka e re dhe e paditur nga qytetarët dhe vizitorët e Sarandës. Por problemi është heshtja dhe ambjentimi me këtë situatë të Bashkisë Sarandë. Në Bashkinë e Sarandë nuk bën përshtypje kjo situatë, pavarësisht se qytetarë dhe biznese bëjnë ankesa pothuajse të përditshme për këtë situatë pranë këtij institucioni. Bashkisë Sarandë nuk po i bën përshtypje as publikimi dhe denoncimi i kësaj situate në media.
Shpresojmë që kjo situatë të ketë ardhur nga fakti që personeli i Bashkisë Sarandë ka qenë i zënë me angazhimet në lëvizjen e ndërmarrë nga ish-deputeti Kokëdhima dhe se situata do të ndryshojë shumë shpejt.
