Një gjyqtare në Gjirokastër ka shënuar rekordin e radhës të absurditeteve prodhuar nga njerëzit e drejtësisë shqiptare. Gjyqtarja Mirela Kore ka shqyrtuar sot në gjykatën e Gjirokastrës masën e sigurisë të një 63 vjetari mësues i ndaluar për ngacmimin seksual të një të miture 11 vjeçare.
Gjyqtarja e ka dhënë masën e detyrimit të paraqitjes. Sikurse të gjitha proceset gjyqësore në këtë gjykatë edhe ky i sotmi është pasqyruar nga korrespondenti Report TV në Gjirokastër Piro Nase.
Por gjyqtarja Mirela Kore pas raportimit ka telefonuar gazetarin duke i kërkuar llogari përse i ka përmendur emrin në raportim dhe se ajo ishte duke gjykuar në rast shumë delikat dhe duke i kerkuar te pergenjeshtroje theniet e tij, duke i bere presion se do te ndermarr veprime, por pa specifikuar se per cfare veprimesh e kishte fjalen.
Është tërësisht e pakuptimtë dhe a pabazuar në asnjë ligj të republikës së Shqipërisë ndalimi publikimit të emrave të gjyqtarëve prandaj edhe kërkesa e gjyqtares Kore është e absurde.
Si një shërbëtore e ligjit gjyqtarja Kore nëse ka zbaruar ligjin edhe në këtë gjykim të sotëm, nuk ka përse të ketë frikë apo turp ti përmendet emri.
