Lamtumirë Kryepeshkopi Anastasi – Lideri që Ringjalli Kishën dhe Frymëzoi Brezat

Lamtumirë Kryepeshkopi Anastasi – Lideri që Ringjalli Kishën dhe Frymëzoi Brezat

Me hidhërim të thellë njoftoohet ndarja nga jeta të Fortlumturisë së Tij, Kryepeshkopit të Tiranës, Durrësit dhe gjithë Shqipërisë, Anastasi Janullatos, i cili ndërroi jetë më 25 janar 2025, në moshën 95-vjeçare. Kryepeshkopi Anastasi, një nga figurat më të shquara fetare të shekullit të fundit, ka lënë pas një trashëgimi të pashlyeshme për Kishën Orthodhokse Autoqefale të Shqipërisë.

Kryepeshkopi Anastasi erdhi në Shqipëri në vitin 1991, në një kohë kur Kisha Orthodhokse ishte shkatërruar nga persekutimet e regjimit komunist dhe ishte lënë pa kler dhe struktura funksionale. Me përkushtim të plotë, ai ndërmori misionin e ringjalljes së Kishës, duke krijuar nga e para një organizim kishtar të bazuar në vlera shpirtërore, kulturore dhe sociale.

Ringritjen e  Kishës Ortodokse, Patriarkana Ekumenike e Stambollitia ia besoi Anastasi Janullatosit. Në publik u përmend zotimi se Ai do të ishte një zgjidhje e përkohshme deri në gjetjen e një drejtuesi vendas. Megjithatë, me kalimin e viteve përkohshmëria u interpretua si “përkohshmeri si gjithë njerëzit në këtë botë”.

Për disa, ardhja e kryepeshkopit nuk u pa si ndihmë apo kontribut për ringritjen e besimit, por si një lëvizje që fuqizonte ndikimin grek në Shqipëri. Kjo ndjeshmëri, e përforcuar nga çështje si ajo e pronave të kishës dhe tensionet për minoritetin grek, ka lënë një hije mbi punën e Janullatosit, pavarësisht arritjeve të pamohueshme në organizimin e Kishës Ortodokse.

Janullatosi ka luajtur një rol të rëndësishëm në rindërtimin e infrastrukturës fetare dhe sociale të Kishës Ortodokse në Shqipëri, duke ngritur shkolla, spitale dhe qendra ndihme. Por, për shumë shqiptarë, ai nuk ka arritur të bëhet një figurë që simbolizon autoqefalinë e Kishës. Përkundrazi, përkrahja e tij e fortë nga autoritetet shteterore greke e ka bërë atë të duket më shumë si një përfaqësues i interesave greke sesa një prijës shpirtëror i gjithë shqiptarëve ortodoksë.

Në më pak se tre dekada, Kryepeshkopi Anastasi dhe ekipi i tij ngritën më shumë se 400 kisha të reja dhe restauruan rreth 150 të tjera. Ai themeloi seminarin “Ngjallja e Krishtit” në Durrës për të trajnuar klerin e ri dhe për të siguruar një të ardhme për Kishën. Me ndihmën e tij, më shumë se 160 priftërinj shqiptarë u shuguruan për të shërbyer në vend.

Kontribut përtej Kishës – Në shërbim të shoqërisë shqiptare

Për Kryepeshkopin Anastasi, ringjallja e Kishës nuk ishte thjesht një akt shpirtëror, por një mision i gjerë për të përmirësuar jetën e njerëzve në Shqipëri. Ai krijoi organizatën bamirëse “Fryma e Dashurisë,” e cila realizoi projekte madhore në sektorët e shëndetësisë, arsimit, dhe ndihmës sociale.

• U hapën qendra shëndetësore moderne në Tiranë, Korçë dhe Gjirokastër, ku ofrohen shërbime falas për të varfërit dhe të moshuarit.
• U ndërtuan shkolla, kopshtet dhe jetimore, duke u dhënë mundësi arsimimi mijëra fëmijëve shqiptarë.
• Në zonat rurale, Kryepiskopi Anastasi udhëhoqi projekte për furnizimin me ujë të pijshëm dhe ndërtimin e infrastrukturës së nevojshme.

Një urë bashkimi dhe mirëkuptimi ndërfetar

Përveç punës së tij për Kishën Orthodhokse, Kryepeshkopi Anastasi u shqua si një lider i dialogut ndërfetar. Ai promovoi paqen dhe mirëkuptimin midis komuniteteve fetare në Shqipëri, duke krijuar një frymë harmonie dhe bashkëjetese. “Një komb i ndarë nuk mund të ndërtojë një të ardhme të ndritur,” thoshte shpesh ai, duke theksuar rëndësinë e bashkimit për zhvillimin e Shqipërisë.

Në jetën e tij, Kryepeshkopi Anastasi u nderua me çmime dhe dekorata të shumta, duke përfshirë Medaljen e Lartë të Republikës së Shqipërisë, si dhe respektin e qindra mijëra shqiptarëve. Me kontributin e tij, ai jo vetëm që riktheu Kishën në lavdinë e saj të dikurshme, por ndikoi në zhvillimin e një Shqipërie më të fortë dhe më të bashkuar.

Ndarja e tij nga jeta lë një boshllëk të madh, por trashëgimia e tij mbetet një frymëzim për brezat e ardhshëm. Kujtimi i tij do të jetojë përgjithmonë në zemrat e atyre që e njohën dhe që përfituan nga veprat e tij të mëdha.

Lamtumirë, At i dashur dhe udhëheqës frymëzues!

Website Saranda Web

Facebook Saranda Web

Instagram saranda.web

Youtube sarandaweb

Tiktok saranda.web

Pinterest sarandaweb

in sarandaweb