Kandidatët për deputet të Partisë Socialiste Alket Hyseni dhe Suela Kotolloshi zhvilluan një takim me banorët e Delvinës ku shpalosën programin e PS-së për katër vitet e ardhshme. Duke u fokusuar tek zhvillimi i ekonomisë lokale, kandidatët Hyseni dhe Kotolloshi premtuan më shumë vende pune dhe më shumë mirëqenie për banorët e Delvinës.
Gjatë bashkëbisedimit banorët e Delvinës shprehën shqetësimin e presioneve që u bëhen nga persona të ndryshëm në lidhje me votën. Këtij shqetësimi iu përgjigj kandidati Alket Hyseni, i cili garantoi delvinjotët se askush nuk mund t’i trembë.
Kandidati Alket Hyseni u premtoi se shumë shpejt do të përfundojë edhe rruga e Kardhiqit, e cila jo vetëm afron Delvinën me Tiranën, por krijon mundësi zhvillimi për të gjithë zonën. Kjo rrugë dhe një sërë investimesh të tjera do të ndikojnë ndjeshëm në ekonominë e zonës.
