Kaloi kufirin, Gjykata e Pogradecit e dënoi 4 muaj burg, arrestohet nga Policia e Sarandës

Komisariati i Policisë Sarandë njofton se specialistët për Hetimin e Krimeve në Komisariatin e Policisë Sarandë, në bashkëpunim me strukturat e Komisariatit të Policisë Gjirokastër, bënë të mundur kapjen dhe ndalimin e shtetasit të shpallur në kërkim Eljon Malushi, 35 vjeç, banues në Sarandë.

Arrestimi i tij u krye pasi Gjykata e Shkallës së Parë Pogradec, me vendimin e datës 11.11.2020, e ka dënuar me 4 muaj burgim, për veprën penale “Kalimi i paligjshëm i kufirit shtetëror”.

Materialet iu referuan prokurorisë, për veprime të mëtejshme.