Rushan Kurti u detyrua dje që shtëpinë e ndërtuar me mund ta prishte me duart e tij, për të mos u dëmtuar materialet nga fadroma e IVMT të Bashkisë Sarandë.
Prishja e shtëpisë së tij në Ksamil, ku ai jetonte së bashku me bashkëshorten Katerinën erdhi pas një vendimi për prishje të marrë nga IVMT.
Por, mesa duket shiu i cili ka filluar mbrëmjen e djeshme i ka gjetur bashkëshortët në qiell të hapur dhe ata kanë vendosur të ngrenë në këmbë përsëri shtëpizën e tyre prej panelesh.
VIDEO
Burime të Saranda Web nga Ksamili bëjnë të ditur se pasditen e sotme Policia ka shoqëruar në Komisariatin e Policisë Sarandë Rushan Kurtin dhe ai pritet të përballet me akuzën e ndërtimit pa leje.
