Investim 5.5 miliardë lekë/ Fillojnë punimet për Ujësjellësin e Merkos, furnizon 15 fshatra

Kanë filluar punimet për ujësjellësin e Merkos, i cili do të furnizojë me ujë të pijshëm 13 fshatrave në bashkinë e Finiqit dhe 2 fshatra në Bashkinë e Konispolit.
Kjo vepër e cila financohet tërësisht nga buxheti i shtetit dhe në fazën e parë me fondin 466,528.839 lekë pa TVSH do të ndëtohen linjat e jashtme dhe depot në fshatrat Kulluricë, Livadhja, Kalivja, Llazat, Kalcat, Sopik, Lefter Talo, Vagalat, Gravë, Qesarat, Karroq dhe Pandalejmon, Ninat dhe Markat. Rrjetet e brendshme të këtyre fshatrave do të financohen vitin tjetër.

Kantieri i punimeve është vizituar edhe nga kryetari i Bashkisë Finiq Kristo Kiço, i cili gjatë komunikimit me sipërmarrësit dhe inxhinjerët, por edhe nga verifikimet në vend, ka konstatuar se punimet vazhdojnë me intensitet në çdo fshat si për hapjen e kanaleve ashtu dhe për ndërtimin e depove të reja të ujit.
Me këtë rast, kryetari Kristo Kiço i gjendur afër fshatit të Karroqit ka vizituar së bashku me ekipin e tij dhe urën e këtij fshati për të nxjerrë koston e ndërhyrjes për restaurim përpara se të fillojnë shirat e para.