IKMT prish 11 objekte pa leje të ngritura në bregdet

IKMT prish 11 objekte të ndërtuara pa leje, ngritur në rërë ditën e sotme para nisjes së sezonit turistik.
Gjatë kësaj jave është verifikuar linja e bregdetit në Dhërmi ku u konstatuan 11 ndërtime pa leje, të ngritura në kundërshtim edhe me rregullat teknike, pasi ishin vendosur në rërë.

Tek objektet është ndërhyrë me mjete duke i prishur, ndërsa ndaj pronarëve që kanë ndërtuar bizneset janë marrë masa administrative dhe kryer veprimet procedurale për ndërtime në kundërshtim me ligjin.
Ky aksion sipas IKMT do të shtrihet në gjithë bregdetin dhe kudo ku ka ndërtime pa leje.