Gjendet një automjet i djegur dhe targa të vjedhura! Dyshohet se është përfshirë në ngjarje kriminale

11/11/2017:23

Shperndaje:


Automjeti “Ford Focus”, i gjetur i djegur mesnatën e djeshme në Himarë, ka shumë dyshime se i përket personave që kanë marë pjesë në një ngjarje kriminale, e cila ka ndodhur në fshatin Dhërmi, por policia ende nuk ka bërë publike asgjë për këtë ngjarje.
Automjeti, është gjetur duke u djegur në anë të rrugës Dhërmi-Lilias, dhe policia ka arritur të zbulojë se targat e automjetit janë vjedhur në qytetin e Durrësit. Ndërkohë për shkak të djegies makinës nuk i është identifikuart plotësisht numri i shasisë, pasi ishte e mbuluar me plastikë të djegur. Pritet larja e kësaj pjesë me qëllim zbulimin e numrit të shasisë së mjetit.

Në afërsi të makinës, në momentin kur ka shkuar policia dhe zjarrfikëset nga Himara, nuk ka pasur asnjë person dhe se mjeti ishte braktisur totalisht.Makina është djegur qëllimisht, gjë e cila ngreh shumë dyshime se automjeti është përdorur në një ngjarje kriminale. Automjeti ka shumë gjasa që të jetë përdorur në një ngjarje kriminale të ndodhur mbrëmjen e djeshme në Dhërmi, ku ambjentet e një hoteli që po ndërtohet në këtë zonë, dyshohet se është vendosur një sasi e konsiderueshme tritoli.

Ende për këtë ngjarje nga policia e Vlorës dhe Himarës, nuk jepet asnjë informacion, por ka shumë dyshime se hoteli ku ka të dhëna se është vendosur tritoli, i përket një biznesmeni me inicialet V.M. Ky hotel është në ndërtim e sipër në Dhërmi, dhe se besohet konkurenca mund të jetë kthyer në shkak për vendosjen e tritolit, për të cilin policia e Himarës ende nuk ka dalë me një version. /Shqiptarja.com


Ndajeni me miqte:

Postimet e fundit

Thriller me fund të lumtur në Lukovë: 2 pushues të huaj shpëtohen pas stuhisë së fortë
Kujtesë për një qytet që po harrohet – Nga Vangjel Agora
Kapiteneria e Portit: Nesër ndalohet dalja në det për çdo mjet turistik dhe peshkimi
Hotel Queen Margaret Seaside kërkon Sanitare
Sinoptikani grek paralajmëron shqiptarët: Bëhuni gati për stuhi të fuqishme
Mbledhja e Këshillit Bashkiak Sarandë 29 Gusht 2025 – VIDEO

Saranda Web Apartments and Hotels

©SARANDAWEB - 2024 • Ndalohet riprodhimi i paautorizuar i përmbajtjes së kësaj faqeje.