Me fillimin e fazës së Dytë të Kampionatit të Kategorisë së Parë, fillim i cili nisi me humbje për Butrintin, ekipit i largohen 2 futbollistë. Lajmi bëhet i ditur nëpërmjet faqes së tifozerisë sarandjote KS Butrinti.
Remi Malaj rikthehet tek Luftëtari. Gjirokastriti i jep fund aventurës në Sarandë teksa minutazhi i paktë për të dhe afrimi i lojtarëve të tjerë në merkaton e janarit bërën që ai të largohet për të fituar më shumë eksperiencë.
David Boçaj largohet nga Butrinti. Mesfushori 23 vjeçar ka zgjidhur kontratën me mirëkuptim me drejtuesit duke mos pasur hapësirat e duhura në ekipin sarandiot.
Djaloshi kokulur shfaqi potencial të madh, luajti rol në ngjitjen e ekipit në Kategorinë e Dytë, debutoi në Kategorinë e Parë dhe u konsiderua nga sportdashësit si një prej tyre.
