Pas një pune hetimore, ku në krye të operacionit ka qenë kreu i Krimeve të Komisariatit të Policisë Sarandë, është arrestohet autori i djegies së makinës së biznesmenit Resul Mema pak ditë më parë.
Autori i dyshuar është Ylli Kola 25 vjeç nga Tepelena. I riu është identifikuar nga kamerat e sigurisë në momentin që bleu benzinën pranë një pike karburanti për të djegur më pas makinën.
Saranda Web sjell pamjet e kamerave të sigurisë së bizneseve pranë vendit ku u dogj makina kur Kola pasi blenë benzinën drejtohet për te ‘Range Rover’-i në lagjen nr.4, ndërsa në kokë për të mos u identifikuar kishte vendosur bluzën që kishte veshur.
25 vjeçari dyshohet se është paguar për të djegur makinën, ndërsa vijojnë hetimet për zbulimin e autorit që ka paguar Ylli Kolën për këtë zjarrvënie.
Pas dokumentimit të veprimeve, policia ka arrestuar autorin, i cili dyshohet si autor edhe i disa ngjarjeve të tjera të ngjashme. Materialet iu referuan Prokurorisë në ngarkim të tij për veprën penale “Shkatërrimi i pronës me zjarr”.
