Delvina 3 ditë pa ujë, ende asnjë njoftim dhe shpjegim për qytetarët

Delvina ka 3 ditë pa furnizim me ujë të pijshëm.
Denoncimi ka ardhur në një reagim publik të kryetarit të PD Delvinë Hari Imeri.
Edhe pse qytetarët kanë 3 ditë pa furnizim me ujë, nga ana e përfaqësuesve të Bashkisë Delvinë apo ujësjellësit nuk ka asnjë njoftim për qytetarët për shkakun e ndërprerjes dhe kohën se kur do të rikthehet uji në Delvinë.

Sipas një burimi të Saranda Web, shkak i ndërprerjes së ujit në Delvinë është bërë përmbytja nga shirat e shumtë e burimit të Vrizit.
Investimi në ujësjellësin e ri të Delvinës është në punime e sipër dhe mbetet e paqartë nëse kjo përmbutje ka ndodhur si pasojë e punimeve apo burimi do të përmbytet sa herë do të ketë shira të shumtë.