Loja nis vrullshëm për Butrintin ku Dobra nga krahu i majtë ka hapsirë të lirë. Dobra tenton në dy raste dhe në njëri merr penallti.
Gorovelli nga pika e bardhë tregohet i saktë para portierit Nezo duke kaluar Butrintin në Avantazh në minutën e 6 të takimit.
Goli i dytë do të vije në minutën e 19 të takimit. Krosim nga këndi për Sarandiotët Kasaj kërcen me kokë gjuan dhe shënon 2-0. Butrinti me 2 gola në avantazh tenton të administrojë lojën duke e mbyllur 2-0 pjesën e parë.
Në pjesën e dytë miqtë hyjnë më të vendosur në fushën e lojës duke shkurtuar diferencën me anë të Fifo i cili përfiton nga një gabim i mbrojtjes vendase. Miqtë marrin zemër dhe në minutat e fundit sulmuesi Hametli godet edhe tranversën.
Takimi mbyllet 2-1 në favor të Butrintit dhe me kete fitore Butrinti ngjitet ne kuoten e 16 pikeve.
