Sarandë. Arrestohet klienti VIP, bente blerje me para te fallsifikuara
Policia arreston një shtetas të huaj në kërkim, të quajtur:
· Sevgyl Kasumi, 33 vjeç, lindur në Maqedoni dhe banues në Itali.
Gjatë hetimeve të kryera nga policia, më datë 13.10.2016, në lagjen nr.4 Sarandë ky shtetas ka blerë në dyqanin e shtetases E.Xh., dy karta për aparatë celular, për të cilat ka dhënë 1 kartmonedhë me prerje 50 euro (1 copë), e cila dyshohet të jetë e falsifikuar.
Më pas, ky shtetas ka shkuar në lagjen nr.1 në dyqanin e shtetasit Th.D., dhe ka blerë një palë këpucë në këmbim të 50 euro-ve të tjera, e cila dyshohet të jetë e falsifikuar gjithashtu.
Nga kontrolli fizik që i është ushtruar këtij shtetasi, Policia i ka gjetur disa monedha të tjera të cilat dyshohen se janë të falsifikuara, arsye të cilat kanë çuar në arrestimin e këtij shtetasi për veprën penale “Falsifikimi i kartmonedhave”.
