Prokurori i në Prokurorinë pranë Gjykatës së Shkallës së Parë në Sarandë, Sali Hasa, është prangosur ditën e sotme nga SPAK me akuzën për korrupsion. Disa vite më parë Sali Hasa ka qenë efektiv policie dhe më pas drejtues i Komisariatit të Peqinit.
Për disa kohë, Hasa ka qenë edhe në krye të Prokurorisë së Sarandës.
Nga një kërkim i thjeshtë në internet rezulton se ndaj Sali Hasës është kryer një hetim disiplinor nga KLP, pas ankesave dhe informacioneve të marra për abuzime dhe qëndrim jo korrekt në detyrë.
Në 18 tetor të 2019 Saranda Web denoncoi me fakte se prokurori Sali Hasa qarkullonte me një automjet luksoz dhe targa të fallsifikuara. Pas denoncimit, Sali Hasa e braktisi automjetin dhe natë dërgoi njerëz duke i hequr edhe targat e fallsifikuara.
Pas arrestimit të sotëm qytetarët kanë shpërthyer në komente, duke akuzuar prokurorin se u kërkonte para, madje disa janë detyruar të shesin shtëpitë apo të marrin edhe kredi për të paguar prokurorin Sali Hasa
