BASHKIA SARANDE

26/02/1620:01

Shperndaje:

BASHKIA SARANDE

Bashkia Sarande perfshin Saranden, Ksamilin, Gjashten, Metoqin, Shelegarin, Cuken, Berdeneshin dhe Manastirin.

Bashkia Sarande kufizohet në veri me bashkitë Himarë dhe Delvinë, në jug me bashkinë Konispol, në lindje me bashkinë Finiq dhe në perëndim me detin Jon. Kryeqendra e Bashkisë është qyteti i Sarandës. Bashkia e re ka dy njësi administrative, qytetin e Sarandës dhe komunën e Ksamilit.

bashkia sarande

Bashkia Sarande – Popullsia

Sipas Censusit të vitit 2011 bashkia e Sarandës kishte një popullsi prej 20,227 banorësh ndërsa në regjistrin civil rezultojnë si popullsi banuese 50,680 banorë. Bashkia e re ka një sipërfaqe prej 58.96 km². Sipas censusit, densiteti i popullsisë në bashkinë e re është 343 banorë/km² ndërsa sipas regjistrit civil, popullsia është 859.56 banorë/km².

https://youtu.be/7V-WXZyuLLc

Bashkia Sarande – Profili

Bashkia Sarande përbëhet tërësisht nga vija bregdetare nga Koka e Qefalit në veri deri te Kanali i Vivarit në jug. Shërbimet e turizmit detar dhe kulturor përbëjnë burimin kryesor të të ardhurave. Fshati i Çukës, i cili u shkëput nga Saranda në vitin 1996 për të kaluar në varësi të komunës Aliko, u rikthye me reformën aktuale në varësi të Sarandës. Asetet kryesore ekonomike të qytetit janë deti, peshkimi, liqeni i Butrintit etj. Gjithashtu dhe pasuritë e stërmëdha arkeologjike, parku arkeologjik i Butrintit dhe objekte të tjera të rëndësishme. Ketu perfshihen Manastiri i 40 Shenjtorëve, Kalaja e Lëkurësit, Manastiri i Shën Gjergjit, rrënojat e kalasë së qytetit etj. Në territorin e kësaj bashkie gjenden 118 objekte të regjistruara si monumente kulture të kategorisë së parë.
Bashkia Sarande ka në territor të saj edhe liqenin e Butrintit, i cili është një qendër e rëndësishme e prodhimit të midhjeve dhe për peshkimin në pikën e lidhjes me detin.

Kryetari i Bashkise Sarande prej vitit 2023 eshte zgjedhur Oltion Çaçi.