Tronditet Saranda mbremjen e Vitit te Ri, burri vret gruan, me pas dhe veten.
Një krim ka ndodhur në familjen Uzo të Sarandës, mbrëmjen e Vitit të Ri.
Afrim Uzo ka vrarë gruan e tij, Liljana dhe më pas edhe veten. Fëmijët e çiftit nuk ndodheshin në banesë.
Mësohet se Afrim Uzo ishte person me precedentë penalë dhe vazhdimisht ushtronte dhunë mbi bashkëshorten. Për këtë arsye, ajo ishte pajisur me urdhër mbrojtjeje nga gjykata prej 6 muajsh.
Konfliktet e mëparshme kishin bazë xhelozinë.
Çifti kishte pasur mosmarrëveshje, shpesh përfundonte në gjykatë e megjithatë, vazhdonte të qendronte në një shtëpi.
KOMUNIKATA E POLICISE
Rreth orës 08:55, një person ka qëlluar (vrarë) me armë zjarri gruan e tij dhe veten, brënda në banesën e tyre!
Ngjarja ka ndodhur në fshatin Gjashtë të qytetit të Sarandës, ku shtetasi: Afrim Uzo, ka qëlluar me armë zjarri “Automatik” bashkëshorten e tij, shtetasen e quajtur: Lina Uzo, e cila ka gjetur vdekjen e menjëhershme.
Më pas, ky shtetas ka qëlluar edhe veten e tij, për pasojë ka gjetur vdekjen gjithashtu.
Mendohet se viktimat janë rreth moshës 45-50 vjeç.
Në banesë ka qenë prezente edhe vajza e tyre e cila është dërguar në Spitalin e Sarandës pasi ndodhet në gjendje depresioni.
Shërbimet e Policisë bashkë me grupin e ekspertëve mdodhen në vendin e ngjarjes dhe po punojnë për sqarimin e plotë të rrethanave të ngjarjes.
Tronditet Saranda mbremjen e Vitit te Ri, burri vret gruan, me pas dhe veten
