Tjetër investim i Bankës Botërore për Sarandën, do të ndërtohen pika panoramike

Fondi Shqiptar i Zhvillimit ka kaluar edhe fazën e fundit, që i hap rrugë zbatimit të komponentit tjetër që financohet nga projekti me Bankën Botërore.
Në një njoftim të fundit, fondi bëri të ditur se ka shpallur kompaninë fituese që do të japë konsulencën për dizajnin dhe ndërtimin e mbikëqyrjes së infrastrukturës për pikat panoramike në Jugun e Shqipërisë, konkretisht në Sarandë, Gjirokastër, Përmet dhe Berat.
Në garë morën pjesë 12 kompani që ishin bashkim i përkohshëm me kompani shqiptare dhe franceze, greke, italiane apo dhe më gjerë.
Fituese ishte Anaplasi Consultancy Engineers SA me një kontratë, vlera e së cilës është 93 600 euro.
Në Sarandë këto pika vrojtimi mendohet se do të ndërtohen një në Kalanë e Lukursit dhe një tjetër në zonën mbi Kaminën  dhe të cilat do të lidhen me teleferik