Bashkia Sarandë jep 85 milionë për 74 ditë pastrim gjatë dimrit

Bashkia Sarandë nëpërmjet një kontrate të firmosur me negocim të drejtëpërdrejtë dhe pa njoftim paraprak do të paguajë drejt firmës aktuale të pastrimit KORSEL edhe më shumë se 85 milionë lekë të vjetra për pastrimin e qytetit gjatë 74 ditëve të ardhshme.
Më herët bashkia Sarandë kishte shpallur një tender për pastrimin e qytetit, por që ende nuk dihet si përfundoi.
Deri tani për këtë kontratë të  firmosur me negocim të drejtëpërdrejtë dhe pa njoftim paraprak nuk ka patur asnjë reagim as nga shoqëria civile dhe as nga opozita, të cilat kanë heshtur gjithashtu edhe për situatën e rëndë të pastrimit të qytetit që u krijua gjatë sezonit turistik.