Marjo Sinani, i arrestuar nga Policia si autor i djegies së zyrës së noterit Aleko Anagnosti, është zbërthyer dhe ka rrëfyer përpara hetuesve emrin e personit që porositi dhe e pagoi për “punën” që do bënte.
Marjo Sinani u arrestua mëngjesin e 7 qershorit dhe në cilësinë e provës materiale atij i janë sekuestruar veshmbathje dhe sasi benzine që dyshohet se janë përdorur nga 41-vjeçari, gjatë kësaj ngjarjeje. Policia nuk ka patur asnjë dyshim se Marjo Sinani është paguar nga persona të tjerë për të djegur zyrën e noterit dhe policia e ka marrë në pyetje për zbardhjen e personave që mund ta kenë paguar.
Policia kishte dyshime edhe për porositësin e kesaj ngjarje dhe paralelisht për sigurimin e provave për shtetasin Marjo Sinani, ka siguruar dhe prova per porositësin e saj .
Mbi bazen e këtyre provave te siguruara nga policia, shtetasi Marjo Sinani kur është gjendur para tyre, nuk i ka mbetur tjeter vec të zbërthehet para grupit hetimor dhe ka pranuar të bashkëpunojë ne lidhje me këtë hetim, i cili është ndjekur në një dinamikë të shpejtë nga grupi hetimor.
