Vuante nga zemra, vogëlushi Skerdiano buzëqesh falë ndihmës së deputetit Vullnet Sinaj

VIDEO

Aurora Islamaj: Si e shpëtova jetën e djalit tim me ndihmën e deputetit Vullnet Sinaj!

Skerdiano i vogël, i cili u operua vjet nga zemra nga dora e doktorit të mrekullueshëm Altin Veshti, sot gëzon shëndet të plotë.

Sa e largët duket ajo ditë kur, në maj të vitit të kaluar, Aurora Islamaj erdhi tek unë për të kërkuar ndihmë për djalin e sëmurë. Atëherë, ajo kërkonte përshpejtimin e operacionit pasi fëmija paraqitej në gjendje të rëndë shëndetësore. 🚑

Shkuam në spital dhe u konsultuam me doktor Veshtin, i cili e sqaroi familjen Islamaj se për shkak të moshës së mitur, djali mund të operohej vetëm pas disa muajsh.

Pas verës së ankthit, vjeshta solli pjekjen e kushteve që Skerdiano i vogël të operohej nga zemra. Fatmirësisht, gjithçka shkoi për mrekulli! Shpirti mu mbush me gëzim.

E kam thënë më herët, raste të tilla më motivojnë të ecim para së bashku, të jem mes njerëzve e të ndihem i dobishëm për ta. Kjo është arsyeja pse unë hyra e pse jam në politikë!

Sot, kur Skerdiano mund të buzëqeshë lirisht dhe familja e tij të flejë e qetë, e falenderoj pafund Doktorin që kreu operacionin jo të lehtë dhe gjithë stafin e Qendrës Spitalore Universitare “Nënë Tereza”.
Mirënjohje për këta heronj të kohëve të vështira!🙏

#Shqiperia_solidare
#Bashkë_me_te_forte