Një vjedhje është shënuar gjatë natës në fshatin Janjar, Bashkia Konispol.
Sipas bariut Sulo Ismaili, 4 persona nga fshatra të tjerë u kanë vjedhur 1 lopë dhe e kanë therur, duke e ndarë në 4 pjesë. Më pas 4 pjesët e lopës i kanë marrë me një automjet për tu larguar.
Bariu ka njoftuar Policinë dhe së bashku me familjarët e tij kanë ndjekur automjetin në të cilin ishin 4 hajdutët. Automjetit në të cilën ndodheshin 4 pjesët e lopës dhe 4 hajdutët i është çarë sadokardi dhe ka rrjedhur vaji i motorit, cka ka detyruar hajdutët të fshehin mishin dhe të largohen.
3 nga personat janë kapur nga Policia, ndërsa i katërti është ende në kërkim. Ndërkohë pritet edhe komunikata e Policisë për ngjarjen.
