Prokurori i Sarandës Sali Hasa arrestuar dy ditë më parë si i dyshuar për korrupsion, ka shpërthyer në të qara në gjykatë këtë të hënë. Atij i janë vënë përballë provat ku është fotografuar nga hetuesit një takim i tij me motrën e një të pandehuri, ndërsa përgjimet kanë zbuluar edhe si trukoheshin ndeshjet e kategorisë së dytë për 150 euro.
Një takim i dokumentuar në zyrën e prokurorit Sali Hasa dhe përgjimet për trukimin e ndeshjes Selenica-Delvina janë ndër provat që prokuroria e posaçme ka ndaj grupit kriminal të Sarandës, ku i përfshirë ishte dhe hetuesi i arrestuar.
Në dokumentin e SPAK rezulton se prokurori Sali Hasa është filmuar duke marrë para.
Seanca këtë të hënë u zhvillua me dyer të mbyllura ndërsa ReportTv mëson se prokurori Hasa ka qarë gjatë komunikimit të akuzës dhe provave ndaj tij.
Mes të arrestuarve në këtë grup janë Napolon Hodaj, Oficeri i Policisë Gjyqësore në Prokurorinë Pranë Gjykatës së Shkallës së Parë, Sarandë, i dyshuar për kryerjen e veprës penale të “Ushtrim i ndikimit të paligjshëm.
