Prej datës 8 Nëntor, rruga Turizëm – Kanali i Çukës vijon të mbetet e bllokuar për shkak të punimeve të filluara për sistemimin e kanalizimit.
Pavarësisht se nga ana e Bashkisë Sarandë ishte thënë se rruga do të hapet në 15 Dhjetor, nga ecuria e punimeve duket se diçka e tillë nuk do të ndodhi.
Kryetari i Bashkisë Sarandë Adrian Gurma në mbledhjen e Këshillit Bashkiak u shpreh se punimet kanë patur vonesa për shkak të festave të Nëntorit dhe ditëve me reshje shiu, por pavarësisht se sot në Sarandë moti është pa asnjë re, nuk po kryhet asnjë punim dhe vendi i punimeve i ngjanë një kantieri të braktisur, duke vështirësuar përditshmërinë e banorëve dhe paralizuar dhjetra biznese.
