Një traget i linjës Igumenicë – Brindizi ka shpërthyer në flakë.
Në bord 237 pasagjerë dhe 51 anëtarë të ekuipazhit. Flakët kanë shpërthyer menjëherë pas nisjes nga porti grek i Igumenicës. Anija ishte nisur për në Brindizi.
Kapiteni i “Euroferry Olympia” u kishte kërkuar pasagjerëve të evakuohen nga anija: në vend u dërguan tre varka patrullimi dhe tre rimorkiatorë të rojes bregdetare greke.
Zjarri ka rënë në veri të Korfuzit mes Greqisë dhe Shqipërisë.
VIDEO
Sipas informacioneve, të gjithë pasagjerët dhe ekuipazhi kanë hipur në varkat e shpëtimit dhe do të transportohen nga anijet në vendngjarje.
Anija i është dorëzuar flakëve nga njëri skaj në tjetrin, ndërsa siç raporton ERT ka një person të plagosur lehtë i cili është transportuar në Korfuz për t’u mjekuar në Spital.
