Të shtunën tubim mbarëkombëtar në varrezat e çamëve në Klogjer

 Shoqata Demokratike Shqiptare Çamëria – Hollandë, me president Festim Lato, pritet të organizojë ditën e shtunë një tubim mbarëkombëtar në Varrezat Monumentale të shqiptarëve të Çamërisë në Kllogjer. Tubimi do të organizohet në orën 11.00 dhe në këtë tubim pritet të marrin pjesë qindra bashkatdhetarë nga të gjitha Trojet dhe shqiptarë të diasporës. Shoqata Demokratike Shqiptare Çamëria – Hollandë, me president Festim Lato, vjen në këtë tubim pas disa aktiviteteve të suksesshme të organizuara prej saj, ku midis të tjerave është edhe dorëzimi i dosjes së Çështjes Çame në Tribunalin e Hagës dhe kërkesës për shfuqizimin e vendimeve famëkeqe të Konferencës së Londrës dhe Protokollit të Firences.