Të majtë & të djathtë nisen bashkë për “pushime” luksi në Kroaci

Prill 2017 – Opatia Kroaci
Dhjetor 2015 – Opatia, KroaciPrej shumë vitesh është bërë traditë që zyrtarë të Bashkisë Sarandë, por edhe të Këshillit Bashkiak të Sarandës, të nisen për udhëtime turistike luksoze, sigurisht me paratë e taksapaguesve sarandiotë.
Këto udhëtime për ta quhen vizita pune.
Një nga këto destinacione të preferuara të zyrtarëve të Bashkisë Sarandë është edhe Opatia në Kroaci. Zyrtarët venë e vijnë nga Kroacia dhe gjithmonë thonë se nënshkruam një marëveshje bashkëpunimi.
Sigurisht që miqtë nga Kroacia kthejnë vizitën e tyre turistike, edhe në këtë rast përsëri thuhet se u nënshkrua një marëveshje bashkëpunimi, por pa specifikuar asnjëherë se për cfarë bashkëpunimi bëhet fjalë.
Historive të  bashkëpunimeve të tilla dhe binjakëzime me bashki të tjera nëpër  botë u ka dalë boja dhe cdo qytetar sarandiot është i vetëdijshëm se këto janë forma ku paratë e taksave të tyre bëhen rrush e kumbulla, sigurisht edhe me prezencën e opozitës.