Megjithëse nga zgjedhjet na ndajnë edhe 5 muaj, në kampet politike kanë filluar të bëjnë llogaritë që tani.
Demokratët e Sarandës, megjithëse ende nuk kanë hedhur zyrtarisht ndonjë emër kandidati, nga burime të Saranda Web mësojmë se ata kanë projektuar si kandidat të tyre në Rrethin e Sarandës dhe Delvinës, që përfshinë Bashkinë Sarandë, Delvinë dhe Bashkinë Konispol, nënkryetaren e Degës së PD Sarandë znj. Zana Piro.
Me këtë kandidaturë demokratët e Sarandës synojnë pikë së pari të godasin në elektoratin çam të rrethit të Sarandës dhe Delvinës.
Dalja e PDIU me kualicionin e majtë dhe përballja ndaj tyre me kandidaturën e Zana Piro do të bënte që vota e çamëve të Sarandës, Delvinës dhe Konispolit të shkonte më së shumti drejt së djathtës.
Zana Piro gëzon një respekt të madh brenda dhe jashtë radhëve të demokratëve dhe demokratët e Sarandës besojnë se kandidatura e sajë do të maksimalizonte votat e tyre në zgjedhjet e 18 qershorit.
