Sokol Meqemeja, pronar i kompanisë “Delvina Gas” dorëzohet në Polici

06/08/2510:35

Shperndaje:

Sokol Meqemeja dorëzohet në polici, më pas lirohet: Nuk kemi ndërtuar TEC

Biznesmeni Sokol Meqemeja, pronar i kompanisë “Delvina Gas”, është paraqitur mbrëmjen e djeshme në Komisariatin e Policisë Sarandë, pasi ishte shpallur në kërkim disa ditë më parë nën dyshimet për ndërtim pa leje të një termocentrali (TEC).

Pas verifikimeve të kryera në terren nga ana e autoriteteve, ai është liruar.

Lirohen 2 të arrestuarit te “Delvina Gas”, Prokuroria: Arrestimi ishte i paligjshëm Lirohen 2 të arrestuarit te “Delvina Gas”, Prokuroria: Arrestimi ishte i paligjshëm

Meqemeja: Objekti i ndërtuar nga kompania “Delvina Gas” nuk rezulton të jetë një TEC, siç ishte dyshuar në fillim, por një impiant pastrimi gazi, pjesë përbërëse e puseve ekzistuese të nxjerrjes së gazit natyror.

Në deklaratën e dhënë në komisariat, Meqemeja u shpreh se “ka qenë një keqkuptim i ushqyer nga informacione dashakeqe”. Ai sqaroi se:

“Impianti është pjesë integrale e procesit të filtrimit të gazit dhe nuk ka asnjë lidhje me prodhimin e energjisë.”

Meqemeja shtoi se ndërtimi është kryer me dijeninë e autoriteteve përkatëse dhe se dokumentacioni ligjor, teknik dhe mjedisor është në rregull:

“Të gjitha dokumentet janë të rregullta dhe ndërtimi është bërë në përputhje me legjislacionin në fuqi.”

Ai theksoi gjithashtu se dyshimet publike për ndërtimin e një TEC-i, sipas tij, kanë qenë të pabazuara:

“Personat që ngritën alarmin kanë dashur të dëmtojnë imazhin tim dhe të krijojnë një furtunë mediatike mbi një bazë tërësisht të pavërtetë.”