Megjithëse të gjitha mediat dhe mbarë opinioni publik po diskutojnë për skandalin e punimeve që po kryhen në Parkun Arkeologjik të Butrintit, nga ana e opozitës në Sarandë nuk ka asnjë reagim.
Opozita ka kërkuar disa herë në mbledhjet e Këshillit Bashkiak që Bashkia Sarandë duhet të ketë akses dhe përfitime monetare nga të ardhurat e Parkut, por heshtja ndaj asaj që po ndodh tregon se këto kërkesa kanë patur si synim vetëm “t`u binte në dhëmbë” ndonjë nga kockat e Parkut ose edhe më keq akoma, që interesat e pushtetit përputhen me interesat e njerëzve të opozitës.
