Sherr në Ksamil: 5 persona do paraqiten në dyert e Prokurorisë së Sarandës

Policia e Sarandës ka njoftuar se Specialistët për Hetimin e Krimeve në Komisariatin e Policisë Sarandë kanë referuar materialet në Prokurori dhe kanë nisur procedimin penal ndaj shtetasve A. M., 37 vjeç, E. M., 32 vjeç, M. O., 24 vjeç, A. M., 21 vjeç, dhe K. M., 43 vjeç.

Sipas Policisë, ngjarja ka ndodhur më datë 9 mars 2025, në lagjen nr. 2, Ksamil, ku personat e përfshirë janë konfliktuar fizikisht me njëri-tjetrin për motive të dobëta.

Materialet hetimore janë referuar Prokurorisë Sarandë për vijimin e procedurave ligjore.