Sezoni turistik po vjen/ Ende asnjë sinjal për rifillimin e punës në Bulevard

Kur kanë mbetur ende pak muaj nga fillimi i sezonit të ri turistik, përfundimi i punimeve në Rikonstruksionin e Bulevardit të Sarandës janë vënë seriozisht në pykëpyetje.
Megjithëse kanë kaluar më shumë se 50 ditë nga ndërprerja e punimeve, në kantierin e punimeve të ngritur në Bulevard nga kompania FUSHA shpk as ditën e sotme nuk dukej ndonjë sinjal se punimet mund të rifillojnë.
Pavarësisht se kryetari i Bashkisë Sarandë Adrian Gurma përgjatë një takimi me gazetarët u shpreh se punimet janë pezulluar për shkak të angazhimit të mjeteve të kësaj kompanie në emergjencën e krijuar nga tërmeti, kjo tashmë duket pak e besueshme, pasi emergjenca në zonat e prekura nga tërmeti ka kaluar dhe se emergjenca për Sarandën është marrja e masave sa më parë për sezonin turistik.