Për të ndalur gjatë kësaj vere në portin e Sarandës kanë bërë rezervimet 71 anije me kapacitet nga 1000-3500 vizitorë, ndërkohë që gjatë 2017-ës pritet të mbërrijnë edhe dhjetëra anije më të vogla.
Njëra prej kompanive ndër më të njohurat në Evropë e më gjerë “MSC Cruises” ka njoftuar autoritetet shqiptare se do ta bënte Sarandën destinacion të përjavshëm në udhëtimet e saj në Mesdhe, duke filluar nga prilli i viti 2017.
Këtë vit është rritur ndjeshëm interesi i anijeve nga vende të ndryshme të botës për të “prekur” portin e Sarandës. Kompanitë e anijeve turistike “Cunard, P&O Crusises” dhe “Holland America”, kanë njoftuan fundvitin e shkuar se do t’i shmangnin portet turke gjatë vitit 2017 duke i zëvendësuar itineraret me Korfuzin dhe Sarandën.
Vitin e kaluar në Sarandë nga porti erdhën rreth 251 mijë udhëtarë.
Pjesa më e madhe e mjeteve të lundrimit përpunohen në kalatën e re që u ndërtua gjatë viteve 2010-2013 me një mbështetje të Bankës Botërore.
