Kur ndeshen dy elefantë, ai që e pëson është bari. Ky proverb indian duket se do të vërtetohet në Sarandë, prej nga nisi edhe “Furtuna Kokëdhima”. Sipas informacioneve, prangat janë bërë gati dhe pritet të shtrëngojnë duart e disa zyrtarëve në Sarandë. Kryeministri Edi Rama ka një plan kundër ish-mikut të tij, të cilit i la në dorë gjithë Jugun e vendit, por që ambicia e tij shkonte edhe përtej Jugut.Burime pranë selisë rozë janë shprehur për Boldnews.al se Rama është shprehur me tone kërcënuese se do ta fundosë ende pa lindur mirë këtë lëvizje.
Kryeministri në një takim kokë më kokë me ministrin e Brendshëm Saimir Tahiri i ka kërkuar këtij të fundit hetimin e veprimtarisë së Kokëdhimës dhe të bashkëpunëtorëve të tij më të ngushtë, një pjesë e të cilëve drejtojnë kompani të rëndësishme shtetërore. Nga kjo valë arrestimesh me akuza për korrupsion nuk do të shpëtojnë as bashkëpunëtorët e tij në Sarandë, të cilët janë në poste drejtuese në disa drejtori në institucione shtetërore dhe Bashkinë Sarandë.
Këta të fundit do të jenë viktimat e luftës mes Ramës dhe Kokëdhimës, pasi shumë shpejt pritet disa arrestime të forta.
