Një nga fenomenet më të cuditshme në administratën e Bashkisë Sarandë është se edhe pas daljes në pension të zyrtarëve të kësaj bashkie, ata vazhdojne aktivitetin e tyre, duke mos hapur kështu rrugë për ndryshime dhe punësime të reja.
Një burim nga bashkia Sarandë tregon për Saranda Web se numri i pensionistëve që ende vazhdojnë të punojnë në këtë administratë ka shkuar në 22 persona, të cilët megjithëse kanë mbushur moshën e daljes në pension, ende vazhdojnë të punojnë në këtë administratë.
Disa muaj më parë dhjetra të rinj u entuziazmuan kur pas një prononcimi të deputetit Alket Hyseni për këtë çështje u duk se do të kishte një reagim nga bashkia Sarandë duke larguar pensionistët për të hapur rrugë kështu për punësimin e të rinjve, por edhe pse kanë kaluar 7 muaj prej atëherë, asnjë prej pensionistëve nuk është larguar.
