Prej ditës së sotme çmimi i biletës së udhëtimit me urban nga Saranda në Ksamil dhe anasjelltas është rritur me 50 % . Udhëtarët që kryejnë këtë destinacion janë të detyruar të paguajnë 1200 lekë të vjetër, nga 800 që paguanin më parë. Të pyetur për këtë, drejtuesit e autobusëve që kryejnë këtë segment rrugor, shprehen se çmimi është vendosur nga Bashkia Sarandë. Edhe për këtë çështje qytetarët u gjetën të papërgatitur dhe të painformuar. Ajo që bie në sy është heshtja që ka kapluar opozitën në Sarandë, e cila nuk ka nguruar të bëjë konferenca shtypi për ndonjë funksionar të administratës që i ka kaluar mosha e daljes në pension, dhe nga ana tjetër hesht për problemet dhe çështjet që prekin në mënyrë direkte qytetarët.
.
