Rrëfimi tronditës: I hoqën mitrën me thikë kuzhine. Rihapet dosja

Dosja e vdekjes misterioze e Kostandina Anagnostit në Sarandë në 15 nëntor 2014 është rihapur përsëri. Mediat greke kanë publikuar ditën e sotme edhe një rrëfim tronditës të babait të Kostandisë, Jorgo Anagnosti.
Dyshimet e para të vdekjes u hodhën mbi vajtjen te dentisti, por mjekësia ligjore doli në përfundimin se vdekja e vajzës ishte natyrale, e shkaktuar si pasojë e një hemorragjie cerebrale.
Pas ekspertizës, trupi i Kostandinës niset për në Janinë, por babai i saj, pasi e sheh në morg të bijën, kërkon ndalimin e varrimit për të bërë një ekspertizë të dytë.
Ai ka hedhur dyshime se e bija nuk ka vdekur në mënyrë natyrale, por se vajza ka vdekur në një klinikë gjatë një aborti. Jorgo Anagnosti ka hedhur akuza edhe ndaj mjekëve që kanë bërë autopsinë se kanë hequr mitrën me thikë kuzhine për të zhdukur provat e vdekjes së Kostandinës.