Rikthehet Brisida, kësaj here në krye të Task-Forcës për bregdetin

Brisida Shehaj do të drejtojë Task-Forcën për Bregdetin, të ngritur nga qeveria pak ditë më parë.
Ky fakt u bë publik në daljen publike për mediat të kreut të ALUIZNI-t, Artan Lame ku evidentoi fenomenet korruptive të vërejtura gjatë kontrolleve të kryera nga ZQRPP në lidhje me regjistrimet e AMTP (toka bujqësore).
Në fund të deklaratës së shpërndarë për mediat, evidentohet se materialet mbi fenomenet korruptive të vërejtura do t’i kalojnë Shehajt që drejton Task-Forcën, e cila do të merret edhe me verifikimin e pronave ne Sarande dhe Ksamil.
Shehaj ka qenë më herët në krye të Drejtorisë së Tatimeve dhe në Agjencinë Shqiptare të Zhvillimit të Investimeve (AIDA).