Reagimi i Adriatik Lapaj: Nuk më shantazhoni dot! S’ka metodë të ish-Sigurimit që na ndal

Pas shoqërimit nga Policia të shtetasit Ergys Isufi, i kapur me një dozë kokaine dhe që ka deklaruar në polici se është përdorues i drogës, kanë nisur reagimet e ashpra nga përfaqësuesit e Koalicionit “Nisma Shqipëria Bëhet”

Reagimi më i fortë ka ardhur nga vetë lideri i kësaj lëvizjeje, Adriatik Lapaj, i cili përmes një postimi publik ka shprehur zemërimin e tij për mënyrën se si është trajtuar kjo ngjarje.

“Nuk do ia dilni të më shantazhoni!”, ka deklaruar Lapaj, duke shtuar se shtetasi në fjalë nuk përfaqëson më Koalicionin “Nisma Shqipëria Bëhet” dhe se për hir të etikës është marrë një distancim i menjëhershëm nga ai.

Lapaj ka folur për presione të vazhdueshme ndaj tij dhe forcës që përfaqëson:

“Jo 1 po 100 metoda të përdorni ju, nuk kthehemi pas. Keni kaq muaj me ligësi, sajesa, kurthe, por nuk i’a dolët dot. Sot, në finale, pasi nuk më ndalët dot me 100 shpifjet e kaluara, gjetët një metodë tjetër,” u shpreh ai.

Më tej, ai sulmoi drejtpërdrejt autorët e këtij që ai e quan “skenar të orkestruar” nga pushteti dhe strukturat e vjetra që kanë frikë nga një alternativë e re.
“Pasi nuk u funksionoi joshja, kaluat te zanati juaj. Nuk ka kthim pas! Do shkojmë në zgjedhje të parakohshme po ishte në dorën tonë. Do t’ua çmontoj dhe këtë maskarallëk sido të ketë ndodhur!”

Në fund të mesazhit të tij, Lapaj u bëri thirrje qytetarëve të qëndrojnë të qetë dhe të mos bien pre e manipulimeve:
“Qytetarëve u kërkoj të mos manipulohen nga pushteti që qeveris me baronët e krimit! Votoni masivisht nr. 6 që i ka lebetitur!”

Statusi i Plotë: 

Website Saranda Web

Facebook Saranda Web

Instagram saranda.web

Youtube sarandaweb

Tiktok saranda.web

Pinterest sarandaweb

in sarandaweb